影视台词 > 影评 > ：《点对点》香港点点情是由微语录网(www.5yulu.com)为您精心收集，如果觉得好，请把这篇文章复制到您的博客或告诉您的朋友，以下是《点对点》香港点点情的正文：

　　<点到点呢出戏, 我真是从头到戏开场前都以为导演系跟过杜SIR, 拍过十万火急非常突然黑白战场PTU的黄浩然先生, 特别是陈豪做男主, 更没想到会是别人, 以为他跟杜生多年受他影响突执导筒顺理成章, 却忘了他在TVBB拍剧连连 (缺小生)回家带孩子(有两个), 仲边有时间??!
　　直到开场啦, 够钟啦, 仲未熄灯嘅, 见到个三唔识七嘅人喇住支咪到台前, 我都捻住系主持人啫. 点知一开声, "我系呢套戏导演, 唔系嗰个黄浩然, 系咪有人以为系嗰个" 哦.....我错了, 有眼无珠, 唔系, 不知者不罪....黄导介绍咗下, 请大家睇咗戏先.
　　哗, 好犀利, 几个镜头, 画面美伦美奂. 豪哥一身儒雅, 做咗老窦嘅佢浑身散发一种光芒, 同佢清汤髪型嗰时争太远. 女主蒙小姐眼前一亮, 好一个清清秀秀个地方孕育出嚟清丽脱俗的女孩. 两人个通 (即观感/感觉) 好阳光, 同出主题好夹, 选角成功都好紧要,一个好戏之人会救返成出戏. 扯远咗, 呢出梗无呢个担心.
　　导演系咪自己玩开点点游戏, 也系咁揾到老婆? 太戏剧, 无理由…自传往往拍得最好, 似安妮荷尔, 高达断了气, 姜文阳光灿烂, 老谋父亲母亲, 安叔囍宴, 杜鲁福四百击, 许小姐客途秋恨, 墨镜花样年华, 想睇导演爱人个样 (可能未有). 又讲咗边……
　　可能唔关自传事, 借题发辉/借刀赞人, 赞香港, 赞香港嘅美丽, 唔止美景, 亦有底韫 (维多利亚城界碑), 还有靓人. 剧本太好, 畅游地铁沿线 (少少隐形广告之感), 地铁确方便, 大量吉位俾有心人创作, 而男女早已相遇不相知, 好有西片<街角小店到<网上情缘况味, 但男嘅都未知, 又好向左走向右走.
　　看倌们暗代两人着急, 为美景暗中叫好, 尽管/可能 系个人感觉, 同一块银幕, 断无不起共鸣之理. 古仔太好睇, 无法留意什麽电影手法, 好电影似可洗脑, 投入其中不欲抽身, 海边斜阳, 好风光何时再会, 不想电影完结, 不如亲身体验.
　　我本不知何谓跳接, 但听导演映後谈解画第二剪的剪接师玛丽姐嘅手段, 略懂了, 导演说比初剪版少了21分钟, 却发现每场戏仍在, 那剪了那麽多是....功夫, 见功夫, 真的将每段戏中无用或无影响嘅一格格抽走, 几大嘅功夫, 导演不厌烦地多次道谢. (很多好导演都有个很好嘅剪接拍档, 希治阁希公在那最着名个致谢词说, 要多谢四人, 一是编剧, 二就是剪接, 都知他所指剪接也同时即编剧厨师孩子他妈, 即他夫人.......) 两主角在全港平行地穿梭, 寻寻觅觅, 剪接成一个爱寻迷嘅朴实童话, 真系以点点 情/情怀 串成一出好戏......
　　来到我强项, 数星星时间. 导说和陈豪合作过<刀, 今次先揾佢, 除了他及女主, 所有出现过嘅除咗一个(地铁站阿伯) 均为人情牌, 全是朋友出演, 他人缘实太好.
　　老熟人林子聪先生, 佢搞完自己套得闲饮茶後好耐先系到睇到. 扮相同迷离夜差天共地嘅音音姐, 似出出港影都有她咁.
　　少少发福多数只系电视间唔中见到嘅卲仲衡先生, 早在港剧经典最好作品(没有之一)<大时代演出秋官大仔, 奸角形象仍在心海, 第一次系大银幕见到他(应该系), 完全反转, 大好人表哥, 也令我想起同我好FRIAND个表哥, 邵生一句胡椒喷雾令全院发出会心大笑, 竟系卲生自行爆肚, 导演踢爆返呢个小秘密大赞好嘢!
　　曾翠珊导演系低成本电影圈猛将, 原来也是黄导老友, 呢次乘机借对白再一次宣传她的长片也是力作<大蓝湖. 强尼先生已是某收费电视台着名主持人, 竟跨行客串, 应是跟从同台李尚正先生(演西游降魔篇沙僧)步伐. 而嗰个地铁站阿伯则不是朋友! 竟系误入, 系一个不知道在拍戏嘅人, 但他演得最好! 导演笑说.
　　问答环节, 其实头先讲嘅剪接系此时李焯桃先生提问引出, 因他看过初剪版觉不济, 後看完成版好惊讶才有一问.
　　也有人问音乐似无做旧, 因戏似怀旧, 导答并非刻意怀旧, 无用70年代音乐. 问答引出幕後秘闻如结尾本在别处最後却在西环海边, 夕阳仲要假嘅, 朝阳扮夕阳, 电影真奇妙.
　　港影迷本内敛, 幸此场竟引到导演小学同学嚟重聚, 问答会几成同学会联谊, 欲罢不能……
　　

《点对点》香港点点情由微语录网(www.5yulu.com)收集整理,转载请注明出处!