影视台词 > 影评 > ：《晚秋》观后感解读，个人感想是由微语录网(www.5yulu.com)为您精心收集，如果觉得好，请把这篇文章复制到您的博客或告诉您的朋友，以下是《晚秋》观后感解读，个人感想的正文：

　　前言
　　睇呢场电影之前，已经下载好高清版既国语版，但系好希望自己第一次睇既系粤语，所以忍住唔睇，不过都好难免接受左朋友既一D剧透~知道片里面会有自己最中意既伊健，所以更加决定戏院睇。当然，一个人睇爱情片好Q无聊架，所以，自然会有个伴，系呢度THANK YOU啊婷哥先~如果唔系有个你系度，我可能会完全无状态睇呢种电影。
　　其实未睇之前，我睇左一个叫候补情人既MTV，里面系摘录左《我的最爱》的唐宁同胡清蓝既一D写实片段，同呢场电影对比之下，一个系明讲，一个系隐喻。其实大家都系将爱情既本质透露出离。可以讲话有各自特色，不过我觉得春娇与志明比较写实D。无甘造作。
　　
　　影评
　　首先，我总结一下我觉得呢场电影做得比较成功既地方啦~点解我会一直都甘留神睇落呢？系因为成场电影都有一大堆既笑话等住我，一般离讲，我个人唔系甘有耐性睇爱情片，但系今次我可以睇到全程笑爆但又不失为之感触，所以我认为呢一点做得好成功。不过我睇到最后个几拍，好明显已经感受到自己融入个情调，笑唔出了，唔系因为唔好笑，系因为个态度已经不知不觉融入左场电影，对两位主角既感情有了尊重。而且发掘到真实感情世界都系围绕着好多呢D真实既感觉发展。
　　
　　我先分析一下呢场电影既人员配置先~里面有主角男女、后备情人（正确离讲系剧情需要，后面会详细分析）、男女主角各自既死党朋友，当然，仲有郑伊健同黄晓明呢两个系搞笑环节起重要作用既人物。爱情片一般都具备呢D元素，基本上该有既都有晒，而且将呢D人物系每个重要关头所产生既影响作用都发挥得淋漓尽致~当然，除左伊健同晓明纯属恶搞之外，其他都系比较写实既，不过电影难免会营造太多巧合先可以表达到某种境界，所以可以原谅加入恶搞元素分散观众注意力既。
　　
　　呢场电影既定位系喜剧，但系我始终觉得佢系一场彻彻底底既爱情片，只不过系一场令人睇得好舒适好投入既爱情片，系里面可以睇到好多现实感情既表现。
　　例如话，两个人从好开心，过渡到开始因为某些公事而闹矛盾，跟住因为工作做既某D决定，令男方两难（当然，男人肯定仲系事业为重），令女方表现出强烈不满（虽然最后都系好坚强放手，但系心目中都系充满不满同埋不舍），时间一恍，双方离别时间已经好耐。基本上如果系现实，两个人已经唔会再有一齐既可能性。睇到呢度我觉得有D缺陷，为左大家系北京既偶然重逢而放弃左春娇过北京之前告知志明，呢一点有D讲唔过，重逢之后，大家都无经历咩就疯狂将春娇同优优比较，将个两位主角既关系再次拉到好暧昧，过渡性唔够强。讲真，如果系现实当中，两个人系仲在乎对方，无可能春娇过北京之前都唔单声比志明听既，呢度其实可以稍微完善一下（纯属个人感觉）。然之后分析一下两位主角系分开之后各自遇上既后任伴侣，都系表现得唔错既，点解甘讲？因为从现实角度离讲都系甘，男方通常都系比较难抵受外界诱惑（其实都唔算系抵受，因为春娇同志明大家心里面都已经明白大家已经分开左，而且无预料过大家会重逢，即使重逢都认为唔会再有咩），所以一般男方都系比较容易接受外界自然而来既下一段感情，而女方，都系好似现实感，需要一个较长既过渡期，接受一个人，剧情里面都系因为一次偶然既应付式相睇，先会遇到个个令佢觉得有安全感既男人，而且，系多次矛盾之下先接受左对方，而呢种接受，仲系自己唔肯定，只不过出于自己身为一个女人，系自己最无奈既时候比到关怀自己既人，稳唔到一个拒绝佢既理由，因为佢明白志明都已经有自己既新女友既情况下，或者选择接受一个中意自己珍惜自己既人会比较现实D。而且从呢场电影体会到，一个女人始终认为安全感比较容易令到自己心里面踏实D。而男人，永远都唔知自己面前呢个人会同自己行得有几远，只要觉得而家个感觉系岩既就岩既。呢个亦都系男同女最本质既区别，从春娇系剧中最后部分既一句：“张志明，你唔系认真既唔好离搞我先啊！”可以睇出，男人并唔系志明所讲既，做广告既一般都睇得比较长远，其实系女人先会睇得比较长远，引用《那些年，我们一起追过的女孩》里面既一句话形容就系：“成长，最残酷的部分就是，女孩永远比同年龄的男孩成熟，女孩的成熟，没一个男孩招架得住”。成场电影，比我最深刻既印象就系，志明好中意讲“你又点啊？”、“乜野啊？”诸如此类既口头禅，而且都系出现系佢搞唔清女方既霖法既时候。呢点证实左大部分男人真系并不了解女人，而女人，了解男人，但系个心接受唔到男人甘既做事方式。系睇既过程之中，从身边既婷哥喃喃自语里面透露出离既信息，我就知道，就算系我，都唔了解女人。而且我好承认自己完全搞不懂女人。仲有就系，系睇完电影之后，我地食宵夜，开始讲出个自己既一D观点，我话，其实从电影里面，我觉得，感情根本无人与人之间既对与错，只有系岩定错既时间遇到个个同自己有缘既人，而呢个时间，只可以代表两个人有缘相遇或者相爱，并唔代表两个人可以KEEP到最后。而婷哥同我都有个不谋而合既观点，就系男人同女人永远都系矛盾既，而电影里面一直都系度上演紧呢种矛盾，无好明白甘表现出离，但系就好明显可以感受到呢种矛盾。男人面对随时可能伤害其中一个女人的时候，第一时间做出既反应永远系选择隐瞒，之后偷偷满足其中一个目前对自己既需求，男人永远认为，唔比女人知道就可以将误会同伤害降到最低。但系婷哥讲，其实女人最希望自己既另一边对自己坦白，如果个男人真系想见个前度（当然，这类情况仅限前度生活上或者感情上受到某种创伤，而这个创伤又不是因为男方的原因），就同自己讲清楚，甘样女人唔会无理到唔比自己见佢，哪怕婷哥好坚持自己观点，佢最后都补翻句：“不过唔系个个女仔都甘霖既”。加上，我自己虽然认同佢会睇得开甘霖，但系我相信大部分女仔都系忍受唔到呢D事情发生既，因为就算我自己身为男人，我都会介意自己女朋友甘样做。所以男人选择隐瞒，女人发现后大发雷霆已经几乎是世界定律，不可更改的结果。我站在自己男人的角度看，我始终会选择不讲好过讲，因为我始终认为，女人系无可能可以接受自己男朋友再见自己前度，而又做到真系完全唔介意的，哪怕我真系同前度完全无啦无棱都好，系外界离睇，永远只有自己知道发生咩事，为左避免误会，选择唔讲。如果真系不幸被发现，我并唔会选择解释，正如人地所讲既：“解释遮掩饰！”更加唔想比人认为自己系度解释。然后讲下各自既后任伴侣吧，优优系属于半主动型伴侣，从一次摸空姐屁股举报经历当中，因为感激志明，约见上床吧，意外搜出condom，火速上佢屋企食住家菜，舌吻，进展速度同现实当中一个男人抵受唔到外界诱惑既情况完全吻合。而春娇，则经过那个屎坑捞手机，处处关怀，多次感动自己，再加上佢系见到志明已经有女朋友既情况下，比个假象自己，话要稳一个同志明完全唔同既男人、安全感，呢一系列表面上好符合一个女人要求既野（点解甘讲？因为一路睇，身边既婷哥一路大赞春娇既后任男友）。于是先会有接受对方既情况出现。但系呢段感情一直都存在好多不稳定因素。成场电影比我感觉，春娇个心一直都无真正接受过徐铮，而志明，系重逢春娇又各自偷偷约会之后。对杨幂既感情都系出于应付同敷衍状态。可以讲，两人已经恋火重燃，但系出于责任感，对各自既伴侣又不能说散就散，所以导致了一直拖拖拉拉，搞到春娇与志明之间漂浮左更多的不稳定因素，特别系系两人多次约会既前后。都会出现一个困然双方既电话，影响左大家重新开始既信心，系杨幂炒车既时候。志明好明显系因为内疚同责任感而好匆忙想赶返睇下杨幂，春娇既个段电话，其实令到志明有种撕心裂肺既痛，因为我体会到个种心情。男人虽然有时候显得好幼稚，好令人无奈，但系其实面对最真实既感情既时候，男人其实仲系好重视感情既走向，只不过佢需要时间同步骤处理好个D可能令到自己内疚既事情先会做最后放心既决定。但系往往女人都会好冲动甘将件事擅自做左决定，令到双方都无进退之路。之后睇到志明同杨幂表达自己唔舍得春娇，好直白甘表态自己中意个个系春娇既时候，杨幂作为一个迟来的受害者，佢无过多既奢求同横蛮无理，只系开左一个玩笑就放开做张志明，或者系志明既呢份勇气同坦白，令到一个女人明白，无必要再牵扯。“张一部分的张志明呢，我已经留下了，其他的就还给她吧！”呢句话彻底解释左一个女人绝望同忍痛放手既心情。而当春娇睇到志明SEND比自己个条短片之后，个种好直率、毫无掩饰既感动同埋流泪，系徐铮面前毫无保留甘表现，而徐铮作为一个成熟男人既角色，都好坦然接受呢个事实。最后志明追翻春娇既时候，虽然用左烂GAG离圆满翻一个HAPPY ENDING，但系我真系无笑，因为可能我自己都中意比我大既女仔，我觉得好难得，好率真。我都系一个思想唔系太过成熟既人，对朋友或者我有好多良言忠告，系人地既开解气囊，但系面对自己既感情，其实我真系希望生活里面有一个可以指导我既人。或者呢D就叫做能医不自医啦。最后我想讲下，成部电影都无缺少过好多意淫既对白，无论系男定女，都好明白，男人喊湿、花心系好正常既事情，男人会讲出“粉红色乳头，可遇不可求”、女人会系春娇问“我点报答你好啊？”既时候讲出“训低啦！”。但系当角色代入到自己个度，大部分女人都系接受唔到呢D野的。如果唔系。就唔会有甘多剧情发生了。而且，从电影和生活对比，我永远都相信，一个女人可以默默为一份感情付出好多好多，而一个男人比人睇到既大部分，只会系内疚好多好多。因为男人经常都会做错事，佢地根本唔知道自己甘做系错既。系一班狼友既影响之下，做错既事只会更多，不会变少。所以男人结婚之后定性系有一定根据的，因为有一个管佢既人，男人本性唔坏，只系一个氛围问题。有D野，只会系男同男、女同女既情况之下，佢地先会讨论，当男遇着女，又会系另外一个结果！一个男女都讨论唔出既结果~！呢个就叫做剧情！
　　
　　关于伊健、文乐同千桦
　　作为伊健既忠实FANS，不得不提，剧情里面将伊健既出道经历化作笑话融入电影，我觉得做得几好，特别系最后一句“哎呀，唔好意思，我食左你条菜先！”笑到我爬地。伊健仲系一如既往既淡定+MAN，而余文乐比我感觉无咩大变化，佢既角色都带D稚气同烂GAG，比较适合佢演，都无咩大问题，但都无咩可圈可点既特点。至于千桦，化妆之后眼袋仲系好大，不过我以前都好中意佢，婷哥系度我更加唔够胆丑化佢偶像，演技仲系唔错既~
　　
　　结束语
　　其实我呢编野唔算系咩影评，只可以讲系观后感，我文采唔好，只可以用好通俗既语言讲出自己既感受。里面有好多剧透。不过相信都好多人已经睇左。呢D就系我既睇法啦。唔知你地呢？

《晚秋》观后感解读，个人感想由微语录网(www.5yulu.com)收集整理,转载请注明出处!